Acziun da padrin

Gotten und Göttis gesucht für die Restaurierung von Objekten

Güdè a mantegner ed a conserver la collecziun incumparabla da valur naziunela a reguard la cultura da viver ed abiter engiadinaisa dal 16evel al 19evel tschientiner per l’avvenir. Per üna bella tscherna dad ogets tschercha la Fundaziun Museum Engaidinais padrins e madrütschas chi surpiglian ils cuosts per la conservaziun e restoraziun d’ün oget u d’üna gruppa dad ogets.

Contact: Charlotte Schütt, Mnedra dal museum charlotte.schuett@museum-engiadinais.ch

Wie werde ich Götti/Gotte?

Scu padrin u madrütscha haun Els üna cunvegna culla Fundaziun Museum Engaidinais davart ils cuosts da restoraziun ch’Els surpiglian per ün tschert oget tenor Lur schelta. Ils cuosts paun gnir dedüts da las impostas.

Zieva cha las lavuors saron glivredas clappan Els ün documaint ed ün rapport da restoration. Els clapparon ün invid exclusiv per padrins e madrütschas ad ün’occurrenza chi varo lö i’l ram da la reavertüra dal museum. Sch’Els giavüschan que, vegnan Els numnos scu padrin u madrütscha sün nossa pagina-web. E natürelmaing Als tramettainsa da temp in temp eir infurmaziuns düraunt la fasa da renovaziun dal museum ed eir zieva.

Üna glista cumpletta dals ogets da padrin chi vegnan in dumanda pel mumaint as chatta suot www.engadiner-museum.ch/goettiaktion. Eir aint il museum sto a dispusiziun üna mappa cun tuot ils ogets. Sper üna descripziun dettaglieda da l’oget vegnan eir descrittas las imsüras previsas per la conservaziun e restoraziun. Nus ans rechattains pür al cumanzamaint. Düraunt ils prossems mais vegnan fattas expertisas dad oters ogets, la lavur necessaria vain stimeda e zieva vain il dossier publicho i’l internet. Sper numerusa otra mobiglia e pü pitschens ogets pertuchand la cultura d’abiter esa eir da chürer uras cun pè, ün orgel, üna granda collecziun da tessieus müravglius ed eir üna collecziun da scienza natürela. Gugent Als tramettainsa eir las descripziuns dad ogets specifics. Ch’Els ans infuorman davart Lur giavüschs – eir sch’Els as interessan per ün oget chi nun es auncha sülla glista.